ລະຫັດ OTP ສຳຄັນທີ່ສຸດ ຫ້າມໃຫ້ຄົນອື່ນຮູ້ເດັດຂາດ
ເພາະເປັນເຄື່ອງມືສຳຄັນໃນການເຮັດທຸລະກຳ (ທາງການເງິນອອນລາຍ) ຂອງທ່ານ ຫາກທ່ານບອກໃຫ້ຄົນອື່ນຮູ້ ໂດຍສະເພາະມິດສາຊີບ ທ່ານອາດເສຍເງິນໃນບັນຊີບໍ່ຮູ້ໂຕ!!
OTP ຫຼື One Time Password ຄືລະຫັດເຂົ້າສູ່ການເຮັດທຸລະກຳ, ໃຊ້ໃນເວລາທີ່ທ່ານລ໋ອກອິນນໍາໃຊ້ ແອັບທະນາຄານຢູ່ໂທລະສັບມືຖືເຄື່ອງໃໝ່ ຫຼື ອຸປະກອນອີເລັກໂທຼນິກອື່ນໆ ທ່ານຈະໄດ້ຮັບລະຫັດ OTP ທາງ SMS ໃນຂໍ້ຄວາມໂທລະສັບມືຖື, ເພື່ອເປັນການຢັ້ງຢືນວ່າທ່ານແມ່ນເຈົ້າຂອງບັນຊີແທ້ 
ທ່ານບໍ່ຄວນເອົາລະຫັດ OTP ໃຫ້ຄົນອື່ນ.OTP ປຽບເໝືອນກะແຈເຂົ້າໄປໄຂບັນຊີເງິນບັນຊີທະນາຄານຂອງທ່ານ ເຊິ່ງປົກກະຕິທະນາຄານຈະສົ່ງມາໃຫ້ທ່ານກໍ່ຕໍ່ເມື່ອທ່ານຂໍໄປເທົ່ານັ້ນ ແລະ ລະຫັດນັ້ນຈະໃຊ້ໄດ້ຄັ້ງດຽວໃນເວລາສັ້ນໆ.ຫາກມິດສາຊີບ ໄດ້ຈາກທ່ານໄປ ສິ່ງທຳອິດທີ່ພວກເຂົາຈະເຮັດຄືສວມຮອຍເອົາບັນຊີຂອງທ່ານ, ປ່ຽນລະຫັດເຂົ້າບັນຊີ ແລະ ໂອນເງິນຂອງທ່ານອອກໄປ.
ຢ່າຫຼົງເຊື່ອຫາກມີບຸກຄົນອື່ນຂໍລະຫັດ OTP ຈາກທ່ານ 
ດັ່ງນັ້ນ, ລະຫັດ OTP ຢ່າໃຫ້ໃຜຮູ້ ຫຼື ສົ່ງໃຫ້ໃຜເດັດຂາດ 
ເມື່ອທ່ານພົບເຫັນກໍລະນີທີ່ໜ້າສົງໄສ ທ່ານສາມາດຕິດຕໍ່ສອບຖາມຊ່ອງທາງທີ່ເປັນທາງການ ທຄຕລ 
ໂທສາຍດ່ວນ 1555 ຫຼື ໂທອອນລາຍ, ສົ່ງຂໍ້ຄວາມຜ່ານໄອຄ້ອນ ຕິດຕໍ່ພະນັກງານ ຫຼື BCEL Support ຜ່ານແອັບ BCEL One ໄດ້ຕະຫຼອດ 24 ຊົ່ວໂມງ.